அனைத்திந்திய விவசாய மற்றும் தொழிலாளர்கள் சங்கம்

நமது தலைவர்

திரு. G.K. விவசாயமணி (எ) G. சுப்பிரமணியம் அவர்கள் 1966 ஆம் ஆண்டு ஜனவரி 7ம் நாள் திண்டுக்கல் மாவட்டத்தில் எளிய வேளாண் குடும்பத்தில் தெய்வத்திரு. குருவைய கவுண்டர் - காளியம்மாள் தம்பதியினருக்கு இரண்டாவது மகனாக பிறந்தார்.

அவரது பள்ளிப்பருவத்தில் கடந்த 1978ஆம் ஆண்டு தமிழகம் முழுவதும் மின்கட்டண உயர்வைக் கண்டித்து விவசாய சங்கங்களின் சார்பில் "கட்டை எடுத்தால் பட்டை எடுப்போம்" என்ற போராட்டம் வெடித்தது அப்போது காவல் துறையினர் விவசாயிகளின் கூட்டத்தை கலைக்க துப்பாக்கி சூடு நடத்தியது. அப்போது வேடசந்துார் ஆத்துமேட்டில் நடந்த துப்பாக்கி சூட்டின் போது 6 விவசாயிகள் தனது இன்னுயிரை இழந்தனர்.

அந்த போராட்டத்தின் விளைவாக தனக்குள் ஏற்பட்ட தாக்கத்தால் விவசாயிகளின் துயர் துடைக்க பாடுபட வேண்டும் என்ற சிந்தனை மேலோங்கி இருந்தது. அந்த வகையில் விவசாயிகளின் மீது கொண்ட தீராத பற்றால், திருப்பூரை தலைமையிடமாக கொண்டு இயங்கி வந்த விவசாய சங்கத்தில் தன்னை 2000ஆம் ஆண்டில் இணைத்து கொண்டு அந்த அமைப்பில் தனக்கென ஒரு தனி அடையாளத்தை நிலை நிறுத்தி கொண்டார்.

அந்த அமைப்பில் தனது செயல்பாடுகளால் தனித்துவம் பெற்று விளங்கினார். இவரது பொதுக்கூட்டம் தலைமையில் தமிழகம் முழுவதும் பல்வேறு இடங்களில் நடைபெற்ற மாநாடு, மற்றும் போராட்டங்களை சிறப்பாக நடத்தி வெற்றி கண்டவர்.

அந்த அனுபவங்களை வைத்து கடந்த 2016ம் ஆண்டு ஐவர் குழுவுடன் நமது அனைத்திந்திய விவசாய மற்றும் தொழிலாளர்கள் சங்கத்தை நிறுவினார். 2017ஆம் ஆண்டு பதிவு செய்து சிறப்பாக தொடர்ந்து செயல்பட்டு வருகிறது.